Йошкар-Оласе водитель- влак поро кумылан улмыштым ончыктеныт

Йошкар-Оласе водитель-влак эн сай пӧръеҥ качествыштым ончыктен кертыныт. Кугыжаныш автоинспектор- влак партнёрышт- шамыч дене пырля «Аралыше- корнышто» акцийым эртареныт. Тудо 23-шо февральлан пӧлеклалтын. Кече мучко оласе уремлаште аварийный тулым чӱктышо да палым вераҥдыше, полышым вучышо ӱдырамаш водительым ужаш лиеш ыле. Мо оҥайже, водитель- влак тыманмешке машинаштым чарен, полышым темленыт. Полышым пуаш кумылаҥше кажне водительым ӱдырамаш водитель деч посна кугыжаныш автоинспекцйиын сотрудницыже- влак вашлийыныт да пӧръеҥ- влакым пайрем дене саламден, пӧлекым кучыктеныт. Эше мо куандара: пӧръеҥ- влак акций нерген пален налмекыштат, чынак полыш ок кӱл мо, машинада каен кертеш мо? манын рашемдаш тыршеныт.

Прошлые выпуски