Йошкар-Олаште гыч ӱдырамаш ондалыше- влакым ик миллионат 400 тӱжем теҥгелан пойдарен
Йошкар-Олаште илыше 32 ияш ӱдырамаш ондалыше- влакым ик миллионат 400 тӱжем теҥгелан пойдарен. Тудлан палыдыме еҥ йыҥгыртен даа банкын лӱдыкшыдымылык службыштыжо ыштем манын. Банкыште конфиденциальный уверым моло- влак пален налыныт да лӱмешда кредитым налаш шонат манын каласен. Ӱдырамаш вигак ӱшанен шке оксажым счёт гыч чыла налын да 9 абонент номерыш ужалкалыме рӱдерысе терминал гоч ик миллионат 400 тӱжем теҥгем кусарен. Ӱдырамаш чот лӱдшӧ улмаш. Молан манаш гын, ужалкалыме рӱдерыште охранник тудын деке лишемын да тиде ондалкалымаш лийын кертеш манын шижтарен гынат, тудо оксажым колтымым чарнен огыл. А ондалкалыше тудын ӱмбак эше 250 тӱжем теҥге кредитым возыкташ тӱҥалын. Но тиде жапыште банкын лӱдыкшыдымылык системыже тидым ышташ пуэн огыл. Икмыняр кече гыч веле тудо ондалалтмыжым умылен да полицийыш полышым йодын миен. Кызыт ондалкалыше- влакым кычалыт.
