Йошкар-Олаште Марий Паркыште олан презентаций стендшым ыштен пытарат

Йошкар-Олаште Марий Паркыште олан презентаций  стендшым ыштен пытарат
             Йошкар-Олаште Марий Паркыште олан презентаций  стендшым ыштен пытарат. Паркыште республикысе ола да район- влак нерген уверан 17 стендым вераҥдат. Архитектура да олам чоҥышо виктемын уверже почеш кызыт Йошкар-Олан визит карточкыжым оформитлен пытарат. Стенд покшелне ола округын картыжым вераҥдаш шонат. Тушто автовокзал, кӱртньӧ корно вокзал да аэропортым ончыктымо лиеш. Олан шочмо историйже, зданий, скульптура, чапкӱ- влакын фотошт, марий калык нерген увер, Йошкар-Олам йӧраташ вич амал ончыкталтеш. Мэрийыште умылтарыме почеш: чыла тӧрлымаш деч вара увер ужашыжым уэш кутырен келыштараш Олан историй тоштерышкыже, МарНИИЯЛИ-ш, Тӱвыра министерствыш да Мер каҥашыш колтат. Вара гына стендым Марий Паркеш вераҥдат.
         Фото: Йошкар-Ола мэрийже.

Прошлые выпуски