Юрино районысо 10 ветеран «Кугу Ачамланде сарыште сеҥымылан 75 ий» лӱмгече медаль дене палемдалтын

Юрино районысо 10 ветеран «Кугу Ачамланде сарыште сеҥымылан 75 ий» лӱмгече медаль дене палемдалтын. Илалше еҥ- влаклан наградым Республикым вуйлатыше Александр Евстифеев ден Федераций Советыште Марий Элын представительже Сергей Мартынов Юрино посёлкышто «Сталинград кредалмаш. Кугу Сеҥымаш верч» тематический мероприятийыште кучыктеныт. Александр Евстифеев палемден: военно-патриот шуарымашке  утларак да утларак йоча- влак ушнат. Кызыт республикыште 100 кадет класс, 144 юнармий отряд, 83 военно-патриот клуб уло. Тушто 8 тӱжемат 500 утла йоча тунемеш. 18-ше ийыште 8 процент йочам тиде пашаш ушымо гын, кызыт 11 процентым. А Юрино районышто 12 процент школьник шуаралтеш. Вара республикым вуйлатыше ден сенатор ветеран- влаклан лӱмгече медаль- влакым кучыктеныт. Моло ветеран- влаклан медальым мӧнгышкышт намиен кучыктат.

Прошлые выпуски