Юрий Зайцев парламент партий- влакын еҥышт дене умбакыже вашлиеш
Марий Элым вуйлатышын пашажым шуктышо Юрий Зайцев парламент партий- влакын еҥышт дене умбакыже вашлиймаш- влакым эртара. Теҥгече тудо Антон Мирбадалев да Наталья Глущенко дене вашлийын. Кумшо вашлиймашыже «У еҥ- влак» партий деч Кугыжаныш Думын депутатше Сардана Авксентьева дене лийын. Вашлиймаш самырык- влак политикым каҥашымаш гыч тӱҥалын. Мый «Я в деле» мемнан партий проект нерген каласкалынем, ме тудым элна мучко шыҥдарена,- каласен Авксентьева. Идалык мучаш марте ме амалкалче шинчымашым пуышо кыдалаш специальный тунемме тӧнеж ден вузлан тӱжем дене студентыштым авалтышаш улына. Молан манаш гын, амалкалче паша тугаяк дисциплина, тудланат туныкташ кӱлеш. Мемнан ик эн тӱҥ задачына- изи да кыдалаш бизнесым вияҥдымаш. Йошкар-Ола Российысе самырык ола. Тудын еҥже- влакын кокла ийготышто- 38 ий. Тыште икмыняр вуз уло. Те мемнан проектын эҥертыме точкыжо лийын кертыда- ешарен депутат. Юрий Зайцев тидын шотышто полшаш сӧрен. Йошкар-Олаш депутатын кумшо визитшын эше ик цельже- илалше да начар тазалыкан- еҥ- влакым кужу жап ончымо программым кузе шыҥдарыме дене палыме лиймаш. Коеш, те тиде корно дене ӱшанлын ошкылыда. Тендан уло мо дене кугешнаш. Федерал паша да социал аралтыш министр Котяковлан тидын нерген уло кумылын каласем,- манын Сардана Авксентьева.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
