02 04 2019 Поро эр, Марий Эл [слушать]
27 мартыште Йошкар-Олаште «Театральный Йошкар-Ола» фестивальыште ойыртемалтше-влакым саламленыт. Наградым налше-влак коклаште Марий самырык театр гыч ныл еҥым палемденыт: «Кокымшо планан эн сай роль» номинацийыште Марий Элын калык артистше Игорь Актуганов, «Эн сай эпизод роль» номинацийыште Марий Элын сулло артистше Валерий Григорьев, СТД правленийын премийжым Марий Элын калык артистше Сергей Мамаев, директорский премийым Марий Элын калык артистше Зинаида Долгова. Студийын тачысе унаже-влак - Игорь Актуганов ден Валерий Григорьев.
