10 10 2019 Поро эр, Марий Эл [слушать]

Юл кундем федерал округышто «Истоки. Рожденные на Волге» лӱман проект илышыш шыҥдаралтеш. Тудо 60 наре тоштерым ушен. Кажныже шке кундемжын, калыкшын тӱвыра да сымыктыш ойыртемжым почын пуышо ончерым чумырен. Иктешлыше кугу ончер Ульяновск олаште почылтын. Тушко Марий Эл гычат делегаций миен. Тӱрлӧ экспонатым Евсеев лӱмеш калыкле тоштерат аклаш луктын. Тудын ик пӧлкаже – Калык арверсымыктыш пӧрт-тоштер. Тудын вуйлатышыже Татьяна Матвеева Ульяновскышко миен коштмышт нерген палдара… Вес сюжетыште Республикысе калык усталык рӱдерын фольклор коллектив вуйлатыше- влаклан эрарыме семинар-практикум гыч репортажым колыштса.

Прошлые выпуски