11 07 2019 Поро эр, Марий Эл [слушать]

Эше ик кеҥеж эр Марий радион поро йолташыже-влаклан шокшо саламым колта. А теве Марий аварийно-утарыше службо вуйлатышын алмаштышыже Николай Самойлов калыкым тӱткырак
лияш йодеш. Мо шотышто шонеда? Кызыт емыжым, поҥгым погышо-влакын тургым жапышт. Шукын чодырашке пӱртӱсын саскажым погаш коштыт. Но тидын годым чодыраште йомын кертмышт нерген шонат мо? Пӱртӱсыш лекме годым туткарыш логалаш огыл манын, шкем кузе кучыман? Тидым Николай Станиславович шарныкта. Марий пӱртӱс янлыкланат, колланат, емыж-саскаланат пеш поян.
Йодыш лектеш: моштат мо еҥ-влак чодыраште шкеныштым кучен? Тидым рашемдаш шонен, Йошкар-Оласе рӱдӧ пазарышке кайышым. Емыжым, пакча-саскам, поҥгым ужалыше-влак радамышке лишеммеке, вигак коеш: пашаче калыкна тидыжымат-
тудыжымат калыклан лыҥак темла.

Прошлые выпуски