13 03 2019 Поро эр, Марий Эл [слушать]

Тачысе передачынан икымше ужашыштыже ме Республикысе калык усталык да культурканыш паша шотышто шанче-методике рÿдерын пашаж нерген ойлаш тӱҥалына. Тений шошым тиде рӱдер поснак шуко мероприятийым эртараш палемден. Мутлан, 15 мартыште «Калейдоскоп» лӱман республыкысе йоча эстраде усталык фестиваль лиеш, а 28 мартыште Йошкар-Олаште «Михаил Мурашко йолташ-влакым ӱжеш» тӱнямбал конкурс-фестиваль почылтеш. Нунын нерген кумданрак мыланна рӱдерын пашаеҥже, Марий Эл Республикысе культурын сулло пашаеҥже Татьяна Николаевна Степановна каласкала. Кокымшо сюжет Марий-Турек район гыч «Арбор вел» ансамбльлан пӧлеклалтын. Шукерте огыл тудо мемнан рӱдолашкына республикысе фестивальышке толын ыле. Кызыт ансамбльым Наталья Прохорова вуйлата, а тудын деч ончыч тиде сомылым Евгений Егоров шуктен. Наталья Фёдоровна ден Евгений Фёдорович дене ваш-мутланымашнам колышташ темлем.
