19 08 2019 Поро эр, Марий Эл [слушать]

Кажне айдемылан тудын шочмо-кушмо верже шерге. Тушто южшат вий-куатым погаш полша. «Куженер районысо Кырмыж ял шукертак пытен гынат, йоча годсо эн поро шарнымаш лач тудын дене кылдалтын», – ойла передачынан унаже Эльвира Монахова. Школ деч вара тудо Марий кугыжаныш университетын биологий да химий факультетшым тунем лектын, ик ий школышто туныктымеке, армийышке служитлаш каен да ынде 28 ий туштак. Тидын годымак Эльвира Александровнам чӱчкыдын марий концертла ден спектакльлаште, марий тӱвыра да илыш-йӱла дене кыладтше фестиваль ден конкурслаште ужаш лиеш. Шижалтеш: тудо шочмо калыкше верч чонжо дене йӱлышӧ айдеме…

Прошлые выпуски