20 12 2018 Поро эр, Марий Эл [слушать]

Тений Шернур районысо Чылдемыр ялысе тӱвыра пӧртым почмылан 60 ий темын. Тӱвыра пӧрт пелен «Олык Марий» мурышо да куштышо ансамбль пашам ышта. Шке жапыштыже тудо республикыштына кумдан палыме коллектив лийын. Тиде ансамбльын ик чолга участникше Саша Иванов усталык корнышко лекмыжлан лачак ты коллективлан таум ышта. Кызыт Саша Иванов – Марий Элыштына веле огыл, ӧрдыж кундемыштат сайын палыме гармоньчо да мурызо.
