24 07 2019 Поро эр, Марий Эл [слушать]

Передачынан икымше геройжо Шернур вел ӱдыр Ольга Пасеева. Тудым чынже денак кугу буква гыч герой манын каласаш лиеш. Икмыняр ий ончыч пӱрымаш Ольгам инвалид креслыш шынден, но тудо шкенжым ныл пырдыж коклаш петырен огыл, умбакыжымат таза айдеме семын илаш вийым муын. Ольга ик гана веле огыл моторлык да усталык конкурслаште сеҥышышке лектын, спорт дене кылым куча, спортивный бальный куштымаш ансамбльышке коштеш. Ольга Пасеева дене ме Йошкар-Олаште эртыше инвалид-влакын Кумшо пӱтынь Российысе таҥасымаш годым вашлийынна ыле. Тиде спорт пайремым почмо да петырыме годым коляскыште шинчыше ӱдыр-влак «Дебют» куштышо ансамбль дене пырля шукылан палыме «Жить!» муро почеш чапле шарнымашеш кодшо номерым ончыктышт. Тыгак передачынам колыштын, те модым погышо ялысе ӱдырамаш Жанна Марданова, Башкортостан Шаран район гыч марий ӱдырамаш амалкалче Надежда Давлетова дене палыме лийыда. Надежда Давлетова Российыште амалкалче-влак коклаште эртыше «Женщина-директор года» конкурсышто сеҥыше-влак радамышке логалын.

Прошлые выпуски