Кум тылзе шуйнышо Пектеев фестиваль «Шӱдыр лоҥго каваште» лӱман лӱмгече концерт дене мучашлалтын
Василий Пектеев – талантан, уста айдеме. Тудо мыланна моткоч лишыл, молан манаш гын режиссерын спектакльже, тусо образ-влак ӧрыктарыше марий шӱлышан улыт. Шкежат, Василий Александрович, изинек чыным йӧратыше лийын кушкын. Концерт программыште 11 муро ден 10 почеламут сцене гоч йоҥгеныт. Шке мурыжо-влакым тудо йӧратымашлан, шочмо мландылан, марий яллан, шочмо калыкшылан пӧлеклен.
