Марий Элым вуйлатыше Юрий Зайцев «Шарнымаш сад» акцийыште лийын

             Марий Элым вуйлатыше Юрий Зайцев «Шарнымаш сад» акцийыште лийын. Республикыштына тыгай акций визымше гана эртен. Тиде жапыште кундемыштына ик миллион утла пушеҥгым шындыме. Тений республикыштына 450 тӱжем утла тыгыде пушеҥгым шындаш палемдыме. Юрий Зайцев пушеҥгым шындыме «Шарнымаш сад» да «Сеҥымаш чодыра» акцийлаште шке участвоватлен. Пушеҥгым Куяр лесничестве кундемыште 4 гектар кумдыкышто, 13 тӱжем утла озымым шындыме. Акций- влак элым аралыме годым вуйым пыштыше воин- влакым шарнаш манын эртаралтеш. Икымше озым- влакым мый фронтышто вуйым пыштыше кочам-шамычлан пӧлекленам. Ӱшанем: нине озым- влак кугу чодыран ужашышкыже савырнат. Изи пушеҥге- влакым вераҥден кок сомылым шуктена: у чодыралан тӱналтышым пуэна да мемнан  воин- влакым шарнымашлан пӧлеклена,- каласен Юрий Зайцев. Пушеҥгым шындыме мероприятий- влак кажне кечын 8-ше май марте чыла муниципал районлаштат эртат.
             Фото: Марий Элым вуйлатышын  администрацийжын увер дене пашам ыштыше пӧлкаже.