Андрей Бакулевскийын выставкыже почылтеш

Андрей Бакулевскийын выставкыже почылтеш
Эрла Йошкар-Оласе Чавайн лӱмеш калыкле книгагудышто лӱмлӧ сӱретчын эргыже, Андрей Бакулевскийын графика пашажым ончыктышо выставке почылтеш. Ончаш толшо- влак шотланд писатель Роберт Льюисын «Остров сокровищ» приключений романжылан ыштыме сӱретше- влакым ончен кертыт. Ончер тидденат ойыртемалтеш: сӱрет- влакым частный коллекцийын йодмыж почеш лӱмын ыштыме улыт. Книгашке коло утла иллюстрацийым пуртымо. Книгаже улыжат кок экземпляр веле. Тудым нигушто налаш ок лий. График лаштык- влак авторын ик эн пытартыш пашаже улыт. Тудо тений кеҥежым илыш дене чеверласен.

Прошлые выпуски