Апрель мучаш марте чер деч мӧҥгыштӧ аралалтына
Теҥгече Российын Президентше Владимир Путин у короновирус дене кылдалтше обращений дене калык деке лектын. Тудо чыла врач, волонтёр, доброволец- влаклан тауштен ойлен. Президент пашам ыштыдыме кече- влак режимым тылзе мучаш марте шуяш темлен. Тидын годым пашадар аралалт кодеш. Тудо самизоляций режимын кӱлешлыкшым поснак палемден. Тудыжо эпидемий дене пайдалын кучедалаш йӧным ышта. Элысе регионлам вуйлатыше- влак ешартыш полномочийым налыт.
