Армий ийготыш шудымо рвезе- влакын Спартакиадышт эрта
4-ше- 5-ше мартыште Марий Элыште армий ийготыш шудымо Российысе самырык тукымын Спартакиадыжын телымсе йыжыҥже эрта. Тушко ола да районлан командыже- влак ушнат. Нунын радамыште 15-17 ияш рвезе- влак лийыт. Таҥасымаш телымсе полиатлон да кира спорт программе дене лиеш. Полиатлоныш лӱйкалымаш, турникыште нӧлталалтмаш, вич меҥгыш ече дене куржмаш пура. Кира спортышто рвезе- влак 16 килограмман кирам нӧлтышаш улыт. Лӱйкалымаш 19-ше школын тирыштыже, гимнастика тиде школыштак лиеш. Ече дене таҥасымаш «Кортышто» эрта.
