БТР сарзе машина Волжск оласе Сеҥымаш парадым сӧрастараш тӱҥалеш
БТР сарзе машина Волжск оласе Сеҥымаш парадым сӧрастараш тӱҥалеш. Волжск оласе самырык тукымым патриотизм шӱлашеш шуарыме йодышым Республикым вуйлатыше Александр Евстифеев «Афганистан ветеран- влакын Российысе Ушемыштын» еҥже- влак дене вашлиймаште каҥашен. Волжск олаште да республикыште пӱсын шогышо, экономически вияҥмаш, Ушем ончылно шогышо йодыш- влакым тарватыме. Олаште у мэрым сайлыме. Тудо пашам, оласе илышым виктарен колтышаш,- каласен Евстифеев. Правительстве председательын икымше алмаштышыже Александр Гречихо палемден: тений Волжскышто ятыр проект шындаралташ тӱҥалеш. Тидыже олалан кушкаш йӧным ышта. Тудо турист- влакым кумылаҥдышаш. Тыште уло мом ончаш. Ончыкыжым промышленный туризмым вияҥдаш лиеш. Олаште ятыр тӱрлӧ продукций лукталтеш. Оласе калык тидын дене кугешнен кертеш. «Афганистан ветеран- влакын Российысе ушемыштын Волжск оласе да районысо пӧлкажым» вуйлатыше Юрий Шишкин вуйлатыше- влалкан олам да республикым вияҥдаш полшымыштлан туаштен каласен. Ушем кызыт 188 еҥым ушен шога. Тушечын 149-ыже Волжск олаште, 39 еҥже районышто илат. Ме ветеран-влаклан полшена, патриотизм шӱлышеш шуарымаште тыршена, тунемме тӧнежлаш коштына, манын тудо. Тыгак республикым вуйлатыше деч мероприятий- влакым эртараш оксам полышым йодын. Александр Евстифеев бюджетым чумырымо годым тиде кӱлешлыкым шотыш налаш кӱштен, афганец- влаклан черет деч посна оксам тӱлыде диспансерзацийым эрташ йӧным ышташ задачым шынден. Ушемын еҥже- влак тыгак Сеҥымаш Парадым сӧрастараш полшаш йодыныт. Правительстве вуйлатышын алмаштышыже Степан Воронцов тиде йодыш рашемдалтеш манын. Лишыл жапыште Волжскыш БТР машина толшаш. Тудо Парадым сӧрастараш тӱҥалеш манын. Мом ышташ лиеш, чыла ышташ тыршена,- каласен республикым вуйлатыше.
Фото: https://www.marimedia.ru/
Фото: https://www.marimedia.ru/
