Екатерина Насырова- шахмат дене республикын чемпионжо
Йошкар-Олаште шахмат дене Республикын чемпионатше лийын. Тушто тӱрлӧ ийготан 11 ӱдыр шке уш-акыл пӱсылыкшым ончыктен. Кандаш турышто 8 гана сеҥымеке, республикын чемпионжо лӱмым Сергей Карякинын шахмат школжо гыч Екатерина Насырова сеҥен налын. Катеринан тиде икымше сеҥымашыже огыл. Тудо ФИДЕ-н ӱдырамаш мастер лӱмжӧ уло. Тений шошым тудо йоча да кугурак- влакын Российын первенствыштышт сеҥышыш лектын ыле да Индийыште 14 ияш марте спортсмен- влак коклаште Тӱнян чемпионатыштыже элнан чапшым арален.
