Чер ваштареш тӱткышым йомдарыман огыл
Республикыштына коронавирус чер шарлыме шотышто утларак ямде улмо режим посна распоряжений марте вийыште лиеш. Марий Элым вуйлатышын пашажым шуктышо Юрий Зайцев мартысе Указышке у вашталтышым пуртен. Пытартыш редакцийыш вашталтышым пуртымо дене текст почеш «2022-шо ий икымше август марте» шомакше кораҥдалтеш. Утларак ямде улмо режимым кораҥдыме огыл, тудым жаплан чарен шогалтыме ыле. Ынде икымше август гыч посна распоряжений марте вийыште лиеш.
