Елена Исаева Юл кундем федерал округышто эн сай штукатур лӱмым сеҥен налын

          Марий Эл гыч Елена Исаева Юл кундем федерал округышто эн сай штукатур лӱмым сеҥен налын. Таҥасымаш «Строймастер-2022» профессионал мастарлыкын калыкле конкурсшо кышкарыште Саратов олаште эртен. Профессионал кучедалмаште округысо чыла регион гыч 32 чоҥышо тыршен. Нуно теорий шинчымашыштым да пашаште моштымашыштым ончыктеныт. Сварщик- влак коклаште Башкортостан гыч Андрей Иванов ойыртемалтын, эн сай каменщиклан Саратов гыч Андрей Учеваткиным шотлымо, каркас да комыжлымо конструкцийым монтироватлыше- влак коклаште Удмуртий гыч Евгений Рямов ойыртемалтын. Марий Эл гыч Елена Исаева, сеҥыше- влак коклаште ик ӱдырамаш гына, эн сай штукатур семын аклалтын. Йошкар-Олаште Елена «ПМК-5» чоҥышо организацийыште тырша.
           Визымше ПМК-н фотожо.

Прошлые выпуски