ДОСААФ-ын тӱҥалтышыж почеш оласе шарнымашан вер- влак гоч куштылго атлетике куржталмаш эртен
Йошкар-Оласе ДОСААФ техник рӱдерын да ДОСААФ-ын регионысо пӧлкажын тӱҥалтышышт почеш оласе шарнымашан вер- влак гоч куштылго атлетике куржталмаш эртен. Тудо элым аралышын кечыжлан да 6-шо ротын воин- десантникше- влакын подвигыштлан 20 ий теммылан пӧлеклалтын. Мероприятийыш рӱдерын курсантше, 24-ше школын кадетышт, МЧС-ын, «Застава», «Боевое братство» ветеран организацийлан еҥышт ушненыт. Нуно куржмо корно мучко воин пограничник- влаклан Чапкӱ, Сеҥымаш паркыште Российын да Совет Ушемын Геройжо- влаклан аллей, Российын Геройжо Марк Евтюхинын бюстшо, верласе сарыште вуйым пыштыше- влаклан мемориал воктене герой- влакым шарналтеныт. Куржталмаш курымашлык тул воктене построений да ик тат шып шоген шарналтымаш дене мучашлалтын. Колонным маршрут мучко Россий ДОСААФ-ын регионысо пӧлкажым вуйлатыше Вячеслав Тихонов вуйлатен.
