«Дракон» пуш дене иймаште Российын чемпионатше эртен

Ростов-на-Дону олаште «Дракон» пуш дене иймаште Российын чемпионатше эртен. Тушто Волжск ола гыч Анна Мещерякова ден Дарья Мартьянова ойыртемалтыныт. Спортсмен- влак 200, 500 да кок тӱжем метр кужытыш таҥасеныт. Анна ден Дарья байдарка дене ийме школышто шуаралтыт. Вич регион гыч спортсмен- влакым ушышо «Жигули» экипажыште 200 метрыш иймаште мемнан ӱдыр- влак кумшо верым налыныт. «Жигули» тыгак 500 метр кужытышто нылымше, кок тӱжем метрыште визымше лийын. Анна ден Дарья икымше гана кугыеҥ- влак радамыште элын чемпионатыштыже участвоватленыт да тудым медаль дене мучашленыт.

Прошлые выпуски