«Йошкар-Ола театральный» фестивальым иктешлыме
«Йошкар-Ола театральный» фестивальым иктешлыме. Эн сай спектакль- влакым ончыктымо фестиваль 2-шо гыч 7-ше октябрь марте эртен. Калык ончыко тӱрлӧ жанран лу спектакльым лукмо. Нуным Моско да Йошкар-Ола гыч лӱмлӧ эксперт да критик- влак акленыт. Наградым кучыктымаш Республикысе курчак театрыште эртен. Жюрин еҥже- влак чыла спектакльымат кӱлеш семын акленыт. Тӱҥ наградым- фестивальын Гран-прижым тений Эрик Сапаев лӱмеш Марий кугыжаныш академичсекий опера да балет театрын «Аида» оперыже сеҥен налын. Эн сай режиссура номинацийыште Шкетан театр гыч Роман Алексеев, Эн сай
сценографий- тиде театр гычак Екатерина Андреева, Оперыште эн сай партий Сапаев лӱмеш театр гыч Дмитрий Семкин, Балетыште эн сай партий тиде театр гычак Артём Васильевлан логалын. Эн сай ӱдырамаш рольлан Сапаев лӱмеш театр гыч Кристина Михайлова, Эн сай пӧръеҥ рольлан Шкетан театр гыч Артём Асмаев палемдалтыныт. Тыгак эше ятыр моло номинацийыште уста артист да режиссёр- влакым палемдыме.
сценографий- тиде театр гычак Екатерина Андреева, Оперыште эн сай партий Сапаев лӱмеш театр гыч Дмитрий Семкин, Балетыште эн сай партий тиде театр гычак Артём Васильевлан логалын. Эн сай ӱдырамаш рольлан Сапаев лӱмеш театр гыч Кристина Михайлова, Эн сай пӧръеҥ рольлан Шкетан театр гыч Артём Асмаев палемдалтыныт. Тыгак эше ятыр моло номинацийыште уста артист да режиссёр- влакым палемдыме.
