Эрла тунемше- влак марий йылме дене олимпиадыш толыт
Марий Элыште школышто тунемше- влакын этнокультурный предмет- влак дене олимпиадышт лиеш. Эрла Марий университетысе калыкле тӱвыра да тӱвыра кокласе кыл шотышто институтышто школышто тунемше-влак марий йылме, сылнымут, калык- влакын историй да тӱвырашт дене шинчымашыштым тергат. Олимпиадышке 9-ше 11-ше класслаште тунемше- влак толыт. Республикысе йыжыҥыште сеҥыше- влак тиде институткышкак 28-ше февральыште регион кокласе олимпиадыш погынат. Тушкыжо Башкортостан, Татарстан да Свердлов область гычат тунемше- влак толшаш улыт. Олимпиада 10 шагатлан тӱҥалеш.
