Евсеев лӱмеш калыкле тоштерын самырык- влаклан этно-лабораторийже экспедицийыш кая

           Икымше гыч 6-шо август марте Евсеев лӱмеш калыкле тоштерыште Росмолодёжын грант полышыжо почеш ыштыме самырык- влакын этно-лабораторийжын еҥже- влак экспедицийыш каят. Тудын эртыме годым 20-шо курым тӱналтышыште лӱмлӧ этнограф Тимофей Евсеев дене чак кылым кучышо марий тӱрлызӧ- влак нерген аудио-видео шарнымашым, биографий увер- влакым погаш палемдыме. Тиддеч посна экспедицийын еҥже- влак марий тӱрын историйжым, илыш йӱла циклым, календарь пайремым, олык марий – влакын юмын йӱлаштым келгын шымлаш палемдыме.             
           Экспедиций шымлыме пашам Морко районысо Азъял, Себеусад, Весшӱргӧ яллаште эртара. Шымлыме да погымо материал калыкле тоштерын фодшым пойдара. Экспедицийыште Евсеев лӱмеш тоштерын, Россий этнографий тоштерын этнографше- влак, Марий университетын да Озаҥысе Жиганов лӱмеш кугыжаныш консерваторийын студентше- влак лийыт. Проектым Евсеев лӱмеш тоштерын этнографий пӧлкажын кугурак шанче пашаеҥже, историй шанче кандидат, Надежда Васканова вуйлата.
               Фото: Т.Евсеев лӱмеш тоштер.

Прошлые выпуски