Илалше- влак университетыште умбакыже тунем кертыт
Йошкар-Олаште илыше шуко еҥын йодмыж почеш Марий университетыште Кумшо ийготын университетышкыже йодмашым умбакыже налыт. Тушто илалше- влак шке кумыл почеш тӱрлӧ корно дене шинчымашым пойдарен кертыт. Йодмашым 12-шо октябрь марте паша кечылаште 13 гыч 17 шагат йотке налыт. Адресше: Кремль урем, 44 –ше пӧрт, 325-ше пӧлем. Пелен паспортын копийже, шинчымаш нерген документ, кок изи фотосӱрет лийшаш. Лекше йодышым 68-79-76 номеран телефон дене рашемдаш лиеш.
