Калык вургемлан конкурс

             Марий Элыште калык вургем аланыште премийым налаш «Яндар памаш деч» Республике кӱкшытан конкурсым увертарыме. Тушко тӱвыра тӧнеж- влакын кружок ден студийыштын, мастерскойлан, модо, костюм театрлан усталык коллективышт, посна пашам ыштыше мастар- влак, сӱретче-модельер, тунемше да педагог, искусствовед, тоштерлан шанче пашаеҥышт ушнен кертыт. Конкурс кум номинаций дене эрта: этнографий костюм, авторын кызытсе жаплан келшыше костюмжо, сценылык костюм. Калык вургемым стилизоватлымаш. Йодмашым 14-ше октябрь марте Республикысе калык усталык рӱдерыште налыт.
             Фотом "Кидшер" сайт гыч налме.

Прошлые выпуски