Килемар райнысо питомникыште у чодырам шындаш ныл миллион озымым ончен-куштат
Килемар райнысо питомникыште у чодырам шындаш ныл миллион озымым ончен-куштат. Тушко пӱртӱс поянлык министр Алексей Киселёв миен. Тиде кумдыкышто ончыкылык чодыра кушкеш, озым- влакым республикын чодыра фондшым уэш кушташ кучылтыт. Ик фото сӱретыште гына- ныл миллион озым. Ик йыраҥже гына республикын талукаш кӱлешлыкшылан ситыше.- увертара министр. Питомникыште лу еҥ каныш кече деч посна тырша. Эколог- влак тыгак терген ончаш тумым, кедрым, канде кожым шынденыт. Тиде питомникым ышташ 2021-ше ийысе шокшо кеҥежым пунчалме. Идалык еда республике вич миллион озымым кучылтеш. А тиде питомник сай ешартышым ышта. Тушто кушшо нӧро озымым чодыра йӱлымо верлашке луктын шындат, - каласен Алексей Киселёв.
Фото: Алексей Киселёв. МариМедиа.
Фото: Алексей Киселёв. МариМедиа.
