Кок тылзе жапыште «Ачамландым аралыше- влак» Кугыжаныш фондын регионысо филиалже 750 утла обращенийын ончен лектын
Кок тылзе жапыште лӱмын эртарыме сар операцийын участникше- влаклан полшышо «Ачамландым аралыше- влак» Кугыжаныш фондын регионысо филиалже 750 утла обращенийын ончен лектын. Паша лектыш, ончылно шогышо йодыш- влак, ончыкылык план нерген республикым вуйлатыше Юрий Зайцевлан кугыжаныш фондын Марий Элысе филиалжым вуйлатыше Ренат Магсумов каласкален. Тудо республикым вуйлатышылан СВО- участникше- влакым да нунын ешыштым поддержатлымылан тауштен ойлен. Кок тылзыште обращений ятырлан кушкын манын палемден. Июньышто 190 еҥ толын да 350 йодышым пуэн гын, июльышто 400 еҥ лийын да 700 утла йодышым пуэн. Кок тылзыште калыклан 750 наре вашмутым пуымо. Шуко йодышыжо ветеран удостоверенийым налме, санаторно-курорт эмлалтмаш, сусыргымо деч вара оксам налме, медицина полышым пуымо, госпитализаций дене кылдалтыныт. Республикым вуйлатыше палемден: обращений- влакым радамлаш кӱлеш, СВО-н участникше- влакын тӱкнымо проблеме- влакым рашемдаш да жапыштыже мерым ышташ кӱлеш манын. Южо йодышыжым кугурак кӱкшытыш лукман. Ме СВО-н участникше- влаклан полышым пуымо пашам грамотно виктарен колтышо кокла гыч ончыл радамыште лийынна. Тиде пашам чолган шуен шогыман,- каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
