Козьмодемьянскыште адакат сер урлен волен

Козьмодемьянскыште адакат сер урлен волен
               Козьмодемьянскыште адакат сер урлен волен. Икымше гана тудо кодшо арнян Некрасов урем тӱҥатышыште волен ыле. Ынде март мучашыште Гоголь урем тураште сер дамбе деке мунчалтен волен. Тиде верым авырен налме, администраций ден ЧС службо дежурствым наҥгаят. Умбакыже ынже сӱмырлӧ манын транспортлан кошташ чарыме. Ситуацийым Республикын правиельствыже дене олан мэрже Михаил Козлов контрольыш налыныт. Мэр тиде йодыш дене Юрий Зайцев дене вашлийын. Республикым вуйлатыше правительствын резев фондшо гыч тайыл- влакын пеҥгыдлыкыштым шымлаш да шотлаш оксам ойыраш пунчалын. Тайылым пеҥгыдемдаш да уэш рок ынже урло манын решенийым лукташ  лишыл жапыште  пашам эртарыме лиеш. «Головной институт изысканий» проект организацийын специалистше- влак сер сӱмырлымӧ верым шымлен лектыныт да эше ик верым рашемденыт. Амалжылан мландын утыждене вӱдыжгӧ улмыжым шотлат.
Фото: «КОЗЬМОДЕМЬЯНСК | Оласе увер- влак»

Прошлые выпуски