Сергей Рахманиновын романс текстшым марий йылмыш эн сайын кусарыме конкурс эртаралтеш
Республикыштына Сергей Рахманиновын романс текстшым марий йылмыш эн сайын кусарыме конкурс эртаралтеш. Конкурс Рахманиновын 150 ияш лӱмгечыжлан пӧлеклалтеш. «Сирень» романсшым марий йылмыш кусараш конкурсым МарНИИ увертарен. Йодмашым икымше апрель гыч налаш тӱналыт. Тушко чыла кумылан еҥ- влак ушнен кертыт: профессионал да тыглай писатель ден поэт, студент, тунемше- влак. Кажне участник ик пашам гына пуэн кертеш. Конкурсышто сеҥыше пашам Эрик Сапаев лӱмеш опера да балет театрын профессионал музыкантше- влаклан пуат да тудым Марий тиште кечылан пӧлеклалтше Республике кӱкшытан пайремым торжественно почмаште йоҥгалтарат, - ойлалтеш положенийыште. Усталык паша- влакым 30-шо июнь марте налыт
Фото: Российысе семын калыкле тоштержын фондшо.
Фото: Российысе семын калыкле тоштержын фондшо.
