Кугыжаныш Погынын сессийже республикын бюджетшым лончыла
Шушаш изарнян, 10-шо декабрьыште, Марий Эл Кугыжаныш Погынын 14-ше бюджет сессийже почылтеш. Тушто каҥашаш 13 йодышым палемдыме. Эн тӱҥжӧ, мутат уке, Республикым социально- экономически вияҥдыме прогноз ден 2021-ше да 22-шо-23-шо ийлан республикын бюджетше да обязательный медицина страхований фондын бюджетше нерген закон- влакын проектышт лийыт. Депутат- влак тыгак шушаш ийлан республикысе пенсионерлан илен лекташ ситыше эн изи окса кугытым тӧрлышаш, бюджет да налог, сайлымаш да референдум, Российысе калыклан перепись шотышто республикысе закон- влакым федерал законодательство дене тӧр кондышаш улыт. Тыгак моло йодышымат каҥашат.
