Республикын промышленность министрже общественный питаний предприятийлан еҥышт дене вашлиймашым эртарен
Кодшо кечылаште республикысе промышленность, экономически вияҥмаш да торговля министерствыште министр Станислав Крылов вӱдышӧ общественный питаний предприятийлан еҥышт дене вашлиймашым эртарен. Тиде «Тёплая речка» тарктир, «Камелот» ресторан, «Баррель», «Терраса», «Простая еда», «Большое Чикаго», «Изба» кафе да клуб- влак. Вашлиймашыште утларак ямде улмо режимыште пашам ыштыме ойыртем нерген мутланыме. Бизнеслан тӱҥ проблеме семын, тӱшка, тӱвыра, каныме мероприятийлам эртараш чарымаш, ешартыш льготын укелыкше да молат шотлалтыт. Мутланыме деч вара неле финанс-экономик ситуаций гыч лекташ да общепит предприятий- влаклан полшаш тӱшка мера- влакым ышташ темлыме. Бизнесын еҥже- влак дене тыгай вашлиймашым ончыкыжымат эртараш палемдыме.
