Марий Эл гыч кок техникум федерал субсидийым налаш ойырымаште сеҥышыш лектын

«Доступная среда» корно дене федерал субсидийым налаш базовый профессионал туныктышо тӧнеж- влакын сеҥымашышт. Марий Эл гыч кок техникум: Марий политехнический ден строительно- промышленный техникум- влак тений июльышто федерал субсидийым налаш ойырымаште сеҥышыш лектыныт. Тудым Российысе просвещений министерстве  регионлаште инвалид да начар тазалыкан- влаклан инклюзивный профессионал шинчымашым пуымашым вияҥдаш манын эртарен. Техникум- влак шушаш ийын федерал бюджет гыч 11 миллионат 600 тӱжем утла теҥге грантым налыт. Республикысе правительстве 116 тӱжем теҥгем ешарен пуа. Тиде 2018-ше ий годсек техникум- влакын сеҥен налыме кумшо проект. Проектым шыҥдарыме кышкарыште лабораторий ден мастерской- влакым у оборудований дене пойдарат да начар тазалыкан- влаклан профессионал мастарлыкым шуарыме «Абилимпикс» чемпионатыште моштымашым ончыктымо толкыным вияҥдат. 2023-шо ий марте техникум- влак маляр, цифран уверым обрабатывалыше мастер, фотограф да моло специальность дене пашам ыштыме верым пойдараш программный обеспечений да электрон курс- влак дене пойдаралтыт. Тиддеч посна тренажер зал- влаклан, каналтыме сенсор кабинет- влаклан оборудованийым налыт.

Прошлые выпуски