Марий Эл гыч Шаяковмыт еш округысо конкурсышто сеҥыше радамыш логалын

Марий Эл гыч Шаяковмыт еш округысо конкурсышто сеҥыше радамыш логалын
Саранск олаште йоча пӧрт-влаклан да ача-ава полыш деч посна кодшо йоча- влаклан полшымо шотышто «Вернуть детство» округысо фестивальым да «Юл кундемысе сай еш» конкурсым мучашлыме. Полпред Игорь Комаровын лӱмжӧ дене погынышо- влакым полпредын алмаштышыже Олег МАшковцев саламлен. Тудо каласен: Шергакан ӱдыр-рвезе- влак, те чыланат сеҥыше улыда. Молан манаш гын, те тӱрлӧ нелылыкым сеҥымаште моштымашдам да талантдам очныктенда, шке региондан чапшым араленда. Но тӱҥ сеҥымаш- влак тендам ончылно вучат. «Юл кундемысе сай еш» конкурсышто 14 еш участвоватлен. Икымше, кокымшо да кумшо верым Удмуртий, Оренбург да Пенза областьла гыч еш- влак сеҥен налыныт. Марий Эл гыч Шаяковмыт еш миен. Нунын ешыште шым йоча кушкеш. Тушечын нылытше ашнаш налме улыт. Икоян еш «Чыла вере сай, но мӧҥгыштӧ эшеат сайрак» номинацийыште сеҥышыш лектын.

Прошлые выпуски