Марий элыште 13 еҥ 100 ийым темен

Марий элыште 13 еҥ 100 ийым темен
Марий Элыште 100 да утларак ийготан 13 еҥ ила. Россий 100 ийым темыше да кугурак ийготан еҥ- влакын чотышт дене рекордым шынден, манаш лиеш. Тений 1-ше январьлан шотлымаште элыштына 20 тӱжемат 500 утла еҥ 100 да утларак ийым темен. Тидыже 2017-ше ийысе деч 17 процентлан шукырак. Нунын кокла гыч 70 процентше ӱдырамаш- влак улыт, 6 тӱжем наре еҥже- пӧръеҥ- влак. Пенсий фондын Марий Элысе пӧлкажын увертарымыж почеш, тиде жаплан республикыште 100 ийым темыше кугурак ийготан 13 еҥ илен- 11 ӱдырамаш да кок пӧръеҥ. А 2018-ше ийыште вич еҥ тыгай ийготан лийын. 2011-ше ий марте кугурак ийготан- влакын чотышт эр вашталт шоген. Но варарак чотшо шукемаш тӱҥалын. 2018-ше ийыште 7 тӱжемат пеле гыч коло тӱжемат 600 нарыш ешаралтын. Тазалыкаралтыш министр Вероника Скворцован мутшо почеш кызыт илышын кокла кужытшо- 73 ий утла, ӱдырамаш- влакын- 78 ият пеле.

Прошлые выпуски