«Марий вургем пайрем унала ӱжеш»

«Марий вургем пайрем унала ӱжеш»
Тачысе кече гыч 26-шо октябрь марте тӱвыра министерстве, Поленов лӱмеш Российысе кугыжаныш калык усталык пӧртын полшымышт дене «Марий вургем пайрем унала ӱжеш» 10-шо регион- влак кокласе калык костюм конкурс эрта. Тений тушко Российысе 11 кундем гыч уна- влак толыныт. Марий Элысе куд район да Йошкар- Ола гыч мастар- влак шке пашаштым ончыктат. Пайрем радамыште усталык делегаций вургем коллекций дене Оршанке районыш миен толеш. Программе калык костюман шке ыштыме курчакым ончыктышо выставке дене 25-ше октябрьыште 15 шагатат 30 минутлан почылтеш. Тудо историй да археологий тоштерыште верлана. Вара калыкле тӱвырам йӧратыше да аклыше- влакым Сеҥымашын 30-шо идалыкше лӱмеш тӱвыра полатыш ужыт. Пайрем эрла 18 шагатат 30 минутлан, 26-шо октябрьыште 14 шагатлан лиеш.

Прошлые выпуски