Марий Эл гыч кучедалше- влак округын Первенствыштыже шкеныштым чолган ончыктеныт

                   Марий Эл гыч кучедалше- влак Юл кундем округын Первенствыштыже шкеныштым чолган ончыктеныт. Бугульма олаште 16 ияш марте рвезе- влак коклаште греко-рим кучедалмаш дене округын первенствыже эртен. «Факел» спорт полатыш чыла 14 регион гыч 400 спортсмен погынен. Мемнан республике гыч Йошкар-Олан, Волжскын да Памарын кучедалшыже- влак миеныт. 52 килограмм марте нелытан- влак коклаште Волжск гыч Владислав Бырля сеҥышыш лектын. Йошкар-Ола гыч Георгий Козицын 85 килограмм марте нелытан- влак коклаште той призёр лийын. Моло патыр- влак шке нелыт категорийыштыш визымше верым налыныт. Ынде нуным Российын первенствыже вуча.

Прошлые выпуски