Марий Элыште калыклан юридический полышым яра пуымо опыт округысо регион-влакын кумылыштым савырен
Марий Элыште калыклан юридический полышым яра пуымо опыт округысо регион-влакын кумылыштым савырен. Марий Элым вуйлатыше Александр Евстифеев Федераций Советын оборона шотышто комитетшым вуйлатыше, Марий Эл Кугыжаныш Погынын представительже Сергей Мартынов да Марий Эл Кугыжаныш Погыным вуйлатыше Анатолий Смирнов дене пашаче вашлиймашым эртарен. Анатолий Смирнов Ульяновскышто законодательный орган- влакын ассоциацийыштын заседанийыштыже лиймыже нерген ойлен. Тушто кок темым каҥашыме манын палемден. Иктыже кугыжаныш юридический полышым яра пуымо системым вияҥдымаш, весыже муниципал образований кӱкшытыштӧ стратегический планированийым норматив да право велым виктарымашым саемдымаш. Погынышо- влаклан Марий Элыште калыклан юрист полышым яра пуымо нерген кугу докладым ыштыме. Мемнан республикыште тидын нерген законым 2003-шо ийыштак пеҥгыдемдыме, федерал кӱкшытыштӧ- 2011-ше ийыште гына лектын. Право шотышто шинчымашым шарымаш республикыште сай кӱкшытыштӧ улеш. Тидын шотышто кугыжаныш тӧнеж- влак деч посна Марий университет ден МОСИ чолган пашам шуктат. Марий Элын опытшым ятыр субъект сайлан шотлен да тиде паша дене палыме лияш мемнан деке толаш кумылым ончыктен. Александр Евстифеев ешарен: юрист полышым пуымаш да шинчымашым шарыме йодыш пӱсын шога. Тудым Валентина Матвиенко, Федераций Советат ончат. Сандене Сергей Александровичын тыште улмыж дене пайдаланен, пайдале опыт нерген темлымаш- влакым Федераций Советыште ончыкташ ямдылыза. Сергей Александрович тудым округысо законодатель советыште гына огыл, а Россий Федерацийыште ончыктен кертеш,- каласен тудо Анатолий Смирновлан.
