Марий Элыште Республикым вуйлатышын ёлкыжо- влак тӱналыныт

Марий Элыште Республикым вуйлатышын ёлкыжо- влак тӱналыныт
             Марий Элыште Республикым вуйлатышын ёлкыжо- влак тӱналыныт. Теҥгече Республикысе курчак театрыште йоча- влаклан пайрем программым эртарыме. Тений Ёлкылашке уло республике гыч икымше гыч 5-ше класс марте тунемше тӱжем утла йочам ӱжмӧ. Тиде мобилизоватлыме еҥ- влакын, доброволец, СВО-н участникше, вуйым пыштыше- влакын икшывышт улыт. Юрий Зайцев школьник- влакым лишемше У ий дене саламлен. Пӧлекым кучыктен да тек чыла шонымашда шукталтше, илышыштыда чылажат воранен шогыжо, пиалан лийза!» - манын тудо. Вара уна- влак чыланат «Снежная королева» спектакльым онченыт да шере пӧлекым налыныт. Ёлкышто тыгак тӱрлӧ конкурс ден фесттиваль, Олимпиаде ден конкурслаште, спорт таҥасымашлаште сеҥыше, 400 наре чолга ӱдыр- рвезе- влак лийыныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски