Марий Элыште йоча пӧртлан выпускникыштын республике кӱкшытан икымше слётышт эртен

Марий Элыште йоча пӧртлан выпускникыштын республике кӱкшытан икымше слётышт эртен
            Марий Элыште йоча пӧртлан выпускникыштын республике кӱкшытан икымше слётышт эртен. Йоча пӧртлан да ешым алмаштыше ешлан выпускникыштын «Порылык корно: кӧ воктенак, нунын вашлиймашышт» слётышт тулык йоча- влаклан Лӱлпанысе рӱдерыште эртен. Мероприятийыште икымняр тукым ӱдыр-рвезе- влак лийыныт: кугыеҥ илыш корныш лекташ ямдылалтше- влак да ончычсо ийласе выпускник- шамыч. Слётым паша да социал аралтыш министерстве ден «Уло элын йочаже- влак» республикысе йоча пӧртлан выпускникыштын содружествышт ямдыленыт.
             Кугыжанышын да мер организацийын лач тыгай партнёрствыжо ача-аван полышыжо деч посна кодшо самырык еҥ- влаклан полшымо пайдале системым ышташ полша. Йолташла вашлиймашыште участник- влаклан йоча пӧртлан воспианиникышын илышыште верым мумо, шке семын илышлан ямддылалтме, пашаш пурымо да профориентацийын кӱлешан йодышышт нерген каласкаленыт.
             Икымше республике кӱкшытан слёт ончыктен: йоча пӧртлан выпускникыштлан интернатым пытарыме деч  вара шкетын огыт код манме шижмаш путырак кӱлешан. Тыгай сообществыш ушнымаш тиде корным эртыше- влак деч каҥашым налаш, наставник- влакын полышыштым шижаш сай кугыеҥ илышлан ӱшанле негыз лиеш,- каласен паша да соицал аралтыш министр Елена Таникова.
        Фото: Паша да социал аралтыш министерстве.

Прошлые выпуски