«Куралшын кечыштыже» ял озанлык техникын парадше эртен

«Куралшын кечыштыже» ял озанлык техникын парадше эртен
            «Куралшын кечыштыже» ял озанлык техникын парадше эртен. Советский районысо Калтаксола воктенсе пасушто профессионал мастарлык шотышто республике кӱкшытан конкурс лийын. Погынышо- влакым ял озанлык министр Павел Раевский, Советский район администрацийым вуйлатыше Евгений Пушкин, Вечын ял администрацийым вуйлатыше Сергей Юркин саламленыт. Республикысе парламент лӱм дене погынышо- влакончылно Погыным вуйлатышын алмаштышыже Александр Смирнов ойлен.
              Пайремыште россий, китай, белорус производитель- влакын техникыштым ончыктышо парад эртен. Уна- влаклан поян программым ямдылыме. Тӱҥ ужашыжлан «Эн сай куралше» конкурс шотлалтын. Таҥасымаш почеш 100 имне виян технике дене куралмаште икымше верым Андрей Горохов налын, 150 имне виян технике дене ончыко Сергей Сортов лектын, 200 имне виян технике дене ончыл верым Александр Королёв налын. 35 ияш марте самырык участник коклаште Александр Иванов ден Егор Григорьев ойыртемалтыныт. Сеҥыше ден призёр- влакым Ял озанлык министерствын дипломжо да шергакан пӧлек дене палемдыме. 
           Фото: Марий Эл Кугыжаныш Погын.

Прошлые выпуски