Марий самырык тукымын Россий кӱкшытан 18-ше слётшо тӱҥалын
Марий Элыште марий самырык тукымын Россий кӱкшытан 18-ше слётшо тӱҥалын. Тудо 6-шо гыч 11-ше июль марте шуйна. Палантай лӱмеш калыкле сымыктыш гимназийыште элысе 8 регион гыч 100 утла талантан самырык еҥ погынен. Тыгай событий- влак йылмым, тӱвырам да йӱлам арален кодымаште кӱлешан улыт. Тушто у шонымаш- влак шочыт, регионла коклаште кыл пеҥгыдемеш, кугурак – влак изирак-шамычым опытышт дене палдарат. Российысе калык- влакын икоян улмо идалыкыште тудо поснак символ шотан улеш. Ӱдыр-рвезе- влакым мастар-класс, лӱмлӧ тӱвыра да сымыктыш пашаеҥ- влак дене вашлиймаш, этнотуризм да кугу тӱвыра да каныш программе вуча.
Фото: Марий Эл Правительстве
Фото: Марий Эл Правительстве
