Морко районышто тоштерым капитально олмыктымо лиеш, а У Торъял районышто корным ыштат
Морко районышто тоштерым капитально олмыктымо лиеш, а У Торъял районышто корным ыштат. Теҥгече Марий Элым вуйлатыше Юрий Зайцев Дмитрий Медведевын регионысо мер приёмыштыжо калыклан приёмым эртарен. Морко районысо самырык педагог- влакын Советыштым вуйлатыше Надежда Алексеева Морко районысо тоштерым олмыкташ йодын. Тудо палемден: йоча- влакым патриотизм шӱлышеш шуарымаште, шочмо кундемын историйже дене палдарымаште районысо Михаил Янтемир лӱмеш сылнымут да этнографий тоштер полша. Тудым 1939 ийыште чоҥымо да олмыктымашым йодеш. Шушаш ийын тудлан 100 ий темеш. Сандене тудын уэммыжым путырак вучат. Район администрацийым вуйлатыше Александр Голубков шушаш ийын тоштерым капитально олмыктымо лиеш манын вашештен.
Масканур ялыште илыше Людмила Зайцева У Торъял гыч Масканур марте корным олмыкташ йодын. Тиде корно дене еҥ- влак йочаштым школыш да йоча садыш коштыктат, пашаш коштыт. Юрий Зайцев тиде корным калыкле проектыш пуртымо. Калыкын йодмыжо почеш олмыктымо пашам ик ийлан ондак тӱҥалаш палемдыме манын. Объектын акше 208 миллион теҥгеш шуэш. Шушаш ийын олмыктен шуктышаш улыт. Йошкар-Олаште илыше Наталья Куклина Яков Эшпай уремысе 118-ше номеран аварийный илыдыме пӧрт нерген йодын. Тушто тулотым ылыжтат, кочо йӱышым йӱыт, йоча- влак туштак модыт, лӱдыкшӧ кугу манын. Мэр тиде пӧртым шушаш ийын март мучаш марте кораҥдат манын.
Фото: Марий Элым вуйлатышын администрацийжын увер дене пашам ыштыше пӧлкаже.
Масканур ялыште илыше Людмила Зайцева У Торъял гыч Масканур марте корным олмыкташ йодын. Тиде корно дене еҥ- влак йочаштым школыш да йоча садыш коштыктат, пашаш коштыт. Юрий Зайцев тиде корным калыкле проектыш пуртымо. Калыкын йодмыжо почеш олмыктымо пашам ик ийлан ондак тӱҥалаш палемдыме манын. Объектын акше 208 миллион теҥгеш шуэш. Шушаш ийын олмыктен шуктышаш улыт. Йошкар-Олаште илыше Наталья Куклина Яков Эшпай уремысе 118-ше номеран аварийный илыдыме пӧрт нерген йодын. Тушто тулотым ылыжтат, кочо йӱышым йӱыт, йоча- влак туштак модыт, лӱдыкшӧ кугу манын. Мэр тиде пӧртым шушаш ийын март мучаш марте кораҥдат манын.
Фото: Марий Элым вуйлатышын администрацийжын увер дене пашам ыштыше пӧлкаже.
