Нуно келге кышам коденыт

Йошкар-Оласе илыме пӧртлаште да мер зданийлаште ола да республике верч тыршыше палыме еҥ- влакым шарныктыше мемориал оҥа- влакым вераҥдаш тӱҥалыт. Тыгай пунчалым оласе депутат- влак погынымашын 7-ше сессийыштыже пеҥгыдемдыме. Йошкар-Олан почётан гражданинже, Йошкар-Ола исполкомын председательже Евгений Зотовлан Чавайн бульварысе 43-шо пӧртыштӧ, Марий Элын сулло журналистше, «Марий Эл» ГТРК-ам ятыр ий вуйлатыше Владимир Оленёвлан Волков уремысе 198-ше пӧртыштӧ, СССР-ын спорт мастерже Юрий Грязинлан, Больничный уремысе 33-шо пӧртыштӧ, РСФСР-ын сулло агрономжо Владислав Медведковлан Семёновка селасе Молодёжный уремысе 3-шо пӧртыштӧ, «Республикысе шуко функциян рӱдерын дирекцийжын» икымше директоржо Ирина Ефимюклан Эшкинин уремысе 8-ше пӧртыштӧ мемориал оҥам вераҥдыме лиеш.

Прошлые выпуски