Ныл калыкле проектым шӱдӧ процентлан шуктымо
Марий Эл 2020-шо ийыште ныл калыкле проект дене ойырымо чыла оксам вияҥмашке пыштен. Кодшо ийын Республикыште калыкле проектым шыҥдараш ойырымо шийвундо 95 утла процентлан кучылталтын. Тидын нерген финанс министерство увертара. Тыге «Тӱвыра», «Цифран экономика», «Изи ден кыдылаш предпринимательство да амалкалче пашалан полышым пуымаш», «Лӱдыкшыдымӧ да сай качестван автомобиль корно- влак» калыкле проект-шамычым 100 процентлан шуктымо.
Шуктымо шотышто эн изи процентым «Илыме вер да оласе кумдык» проект ончыктен- 74 наре процент. Тушто 250 миллион утла теҥге окса кучылталтде кодын. Тыгак тиде показатель дене мучашыште улыт: «Тӱнямбал коопераций ден экспорт»- 86 процент, «Туныктыш» проект- 88 процент але 65 миллион теҥге кодын.
«Тӱвыра» калыкле проектым ончалаш гын, тудым шыҥдарыме кокымшо идалык мучашлалтын. Тудын мероприятийже- влаклан кодшо ийын 136 миллион теҥге ойыралтын. Оршанке районышто Кугунур да Марково тӱвыра пӧртлам олмыктымо, 173 тӱвыра пашаеҥ федерал институтла кӱшеш квалификацийым нӧлтен. У Торъял посёлкышто модельный книгагудым ыштыме. Тидлан 12 миллион теҥгем кучылтмо. У семӱзгар, оборудований да тунемме материал дене ныл тӧнежым пойдарыме. Тиде- Микракысе В.Куприянов лӱмеш йоча музыкальный школ, Параньгасе йоча сымыктыш школ, Волжск оласе йоча музыкальный школ да Палантай лӱмеш тӱвыра да сымыктыш колледж. Тиде пашаш 17 миллион утла теҥгем колтымо. «Тӱвыра кумдык» регионысо проект кышкарыште Яков Эшпай лӱмеш Марий Кугыжаныш филармонийлан у полат умбакыже чоҥалтеш. Тудо 40 утла процентлан ямде. Чавайн лӱмеш калыкле книгагудо шергакан книга- влакым цифран форматыш умбакыже кусара. 2019-ше ий гыч тӱҥалын кажне ийын калыкле электрон книгагудыш пуртышаш 10 савыктышым цифроватла. Тыге 2020-шо ийлан ойырымо шийвундым тӱрыс 100 процентлан кучылтмо.
Шуктымо шотышто эн изи процентым «Илыме вер да оласе кумдык» проект ончыктен- 74 наре процент. Тушто 250 миллион утла теҥге окса кучылталтде кодын. Тыгак тиде показатель дене мучашыште улыт: «Тӱнямбал коопераций ден экспорт»- 86 процент, «Туныктыш» проект- 88 процент але 65 миллион теҥге кодын.
«Тӱвыра» калыкле проектым ончалаш гын, тудым шыҥдарыме кокымшо идалык мучашлалтын. Тудын мероприятийже- влаклан кодшо ийын 136 миллион теҥге ойыралтын. Оршанке районышто Кугунур да Марково тӱвыра пӧртлам олмыктымо, 173 тӱвыра пашаеҥ федерал институтла кӱшеш квалификацийым нӧлтен. У Торъял посёлкышто модельный книгагудым ыштыме. Тидлан 12 миллион теҥгем кучылтмо. У семӱзгар, оборудований да тунемме материал дене ныл тӧнежым пойдарыме. Тиде- Микракысе В.Куприянов лӱмеш йоча музыкальный школ, Параньгасе йоча сымыктыш школ, Волжск оласе йоча музыкальный школ да Палантай лӱмеш тӱвыра да сымыктыш колледж. Тиде пашаш 17 миллион утла теҥгем колтымо. «Тӱвыра кумдык» регионысо проект кышкарыште Яков Эшпай лӱмеш Марий Кугыжаныш филармонийлан у полат умбакыже чоҥалтеш. Тудо 40 утла процентлан ямде. Чавайн лӱмеш калыкле книгагудо шергакан книга- влакым цифран форматыш умбакыже кусара. 2019-ше ий гыч тӱҥалын кажне ийын калыкле электрон книгагудыш пуртышаш 10 савыктышым цифроватла. Тыге 2020-шо ийлан ойырымо шийвундым тӱрыс 100 процентлан кучылтмо.
