«Иволга-2020» форумыш регистраций тӱҥалын
Юл кундем округын регионлаштыже «Иволга-2020» самырык- влакын форумышкышт регистраций тӱҥалын. Тений тудо 24-ше гыч 28-ше август марте онлайн-формат дене эрта. Сайтын платформыштыжо шинчымашым налме да тӱвыра-каныме программе- влак, Росмолодёжын проектше- влакын конкурсышт, граждан обществылан вияҥаш полышым пуымо шотышто фондын грантшылан конкурс- влак лийыт. Грантын фондшо тений 10 миллион утла теҥге лиеш. Йодмашым 20-шо июль марте пуыман.
