Профессионал тунемме организаций- влакын «Марий Элын студент шошыжо» фестивальышт лиеш
Профессионал тунемме организаций- влакын «Марий Элын студент шошыжо» студент усталыкын Республике кӱкшытан фестивальжым квалификацийым вияҥдыме регионысо методик рӱдер ден Самырык- влакын полатышт Туныктыш министерствын да Самырык политике комитетын полшымышт дене эртарат. Фестиваль 51 номинацийыште 9 корно дене эрташ тӱҥалеш. Тений тудо кум площадкыште- Марий политехник техникумышто, Йошкар-Ола технолгий колледжыште да Торгово-технологий колледжыште лиеш. Фестивальын регионысо йыжыҥже график почеш эрта. Кумшо апрельыште Марий политехник техникумышто «Театр корно» да «Оригинальный жанр» дене лиеш. 4-ше апрельыште Йошкар-Ола технологий коледжыште «Мода» да «Вокал корно» дене эрта. 9-ше апрельыште Торгово- технологий колледжыште «Инструментал направлений» дене, 12-шо апрельыште Марий политехник техникумышто куштымаш усталыкым ончаш лиеш. Гала-концерт ден саламлыме церемоний 19-ше апрельыште Самырык- влак полатыште эрта. Фестивальын сеҥышыже- влак Россий кӱкшытан 32-шо «Россий студент шошылан» темлалтыт. Тудо Ставрополь олаште 11-ше гыч 17-ше июнь марте лиеш.
Фото: Туныктыш министерстве.
Фото: Туныктыш министерстве.
