Пушеҥге озымым кушташ нӧшмӧ ситышын уло
Марий Элыште ик тонн утла пӱнчо да кож пӱгыльмын нӧшмыжым погымо. Республикыштына «Экологий» калыкле проектын «Чодырам арален кодымаш» федерал проектшым шыҥдарыме паша умбакыже шуйна. Тачысе кечылан чодырам куштымаште тӱҥ показатель- влак дене тыгай лектышыш шумо: пӱгыльмӧ нӧшмым ик тонн утла погымо, мотокусторез- влакым налме, Марий Турек районышто 58 гектареш пушеҥгым шындыме, Марий Турек, Шернур, Волжский, Куяр лесничествылаште 577 гектар арендыш налдыме кумдыкышто озымым сомылымо, кум тӱжемат 411 гектарыште пушеҥгым шындыме. Тидыже проект почеш тенийлан палемдыме паша кугыт дене келшен толеш.
